«Smart Space: ЖИ және заманауи пән кабинеттері» оқыту семинары «Келешек мектептері» педагогтеріне арналған «Smart Space: ЖИ және заманауи пән кабинеттері» тақырыбында екі күндік оқыту семинары өтті. Бірінші күні педагогтерге жасанды интеллектіні оқу үдерісіне тиімді кіріктіру жолдары таныстырылып, Gemini, Canva, Gamma, Educaplay, Diffit, Roqet AI, Qwen AI платформаларымен практикалық жұмыстар жүргізілді.
Ақсу ауданы Қ.И. Сәтбаев атындағы орта мектеп-гимназиясы базасында «Jetisu Robotics Cup» облыстық робототехника байқауы өтті. Ауқымды шараға Алакөл, Кербұлақ, Көксу, Қаратал, Панфилов, Сарқан, Ақсу, Ескелді аудандары мен Талдықорған және Текелі қалаларынан келген информатика пәні мұғалімдерінен құралған командалар қатысты. Қатысушылар робототехника саласындағы білімдері мен тәжірибелерін сынға салып, «Лабиринт» және «Биатлон» номинациялары бойынша өзара бақ сынасты.
Жас мұғалімдердің шығармашылық әлеуетін арттыру және кәсіби қарым-қатынас аясын кеңейту мақсатында облыстық «Жас мамандар слеті» өтті.
Мектепке дейінгі тәрбие мен оқыту жүйесінде заманауи тәсілдерді іске асыру үшін озат педагогикалық тәжірибені анықтау және тарату мақсатында республикалық «Мектепке дейінгі ұйымның үздік педагогі» байқауының облыстық кезеңі өтті.
Қазақстан Республикасы Мемлекеттік қызмет істері агенттігінің Жетісу облысы бойынша департаменті және Жетісу облысының білім басқармасымен бірлескен жастар арасында кәсіби бағдар беру жұмыстары жалғасуда. Талдықорған қаласындағы №8 Н.Островский атындағы орта мектебінің 10–11 сынып оқушыларымен «Қазақстандағы мемлекеттік қызмет: миссия және құндылықтар» тақырыбында дөңгелек үстел өткізілді.
Кербұлақ ауданында информатика пәні мұғалімдеріне арналған «SMART SPACE: ЖИ және заманауи пән кабинеттері» атты облыстық оқыту семинары өтті. Іс-шара барысында жаңа үлгідегі модификациялық пән кабинеттерінің ерекшеліктері таныстырылып, заманауи құрылғыларды сабақта қолданудың тиімді тәсілдері талқыланды. Семинар педагогтер арасында тәжірибе алмасуға мүмкіндік беріп, жасанды интеллект технологияларын білім беру үдерісінде тиімді қолданудың маңызын айқындады.
Облыстың география пәні педагогтерінің туристік-өлкетанушылық бағыттағы далалық зерттеу жұмыстарын тиімді ұйымдастыру тәжірибесін жетілдіру және өзара тәжірибе алмасуын қамтамасыз ету мақсатында «Ескелді ауданының киелі жерлері, туристік және өнеркәсіптік нысандарында далалық зерттеу әдістерін жүргізу» тақырыбында облыстық далалық семинар өтті. Семинар барысында география пәнін оқытуда өлкетану материалдарын тиімді пайдалану, далалық зерттеу жұмыстарын ұйымдастырудың заманауи тәсілдері мен тәжірибелері талқыланды.
Білім беру жүйесіндегі жас педагогтердің кәсіби әлеуетін арттыру мақсатында «Жаңа мектепке – жаңашыл ұстаз» байқауының облыстық кезеңі өтті.
«Біліктілік мектебі» жобасы аясында Кербұлақ ауданының тарих пәні мұғалімдерінің тәжірибе бөлісуімен облыстық әдістемелік практикум өтті.
Арнайы және инклюзивті білім беру саласында «Дүниежүзілік аутизм туралы ақпарат тарату» күніне орай «ПМПК тәжірибесінде қарым-қатынас пен өзара әлеуметтік әрекеттестіктің бұзылыстары: диагностика, ата-аналардың қабылдауы, білім беру маршрутын анықтау және ПМПК мамандарымен тәжірибе алмасу» тақырыбында облыстық семинар өткізілді. Семинар барысында өзекті сұрақтар көтеріліп, Көксу ауданының №2 ПМПК және Үшарал қаласының №4 ПМПК мамандары өздерінің іс-тәжірибесімен бөлісті.
