Жетісу облыстық білім басқармасының ұйымдастыруымен 2023 жылдың 3 қазанында «Үздік сынып жетекшісі — 2023» байқауы өтті. Оқушылардың жеке басының қалыптасуымен дамуына жағдай жасауда, ата — аналармен өзара байланыс орнату және оларды оқу мен тәрбие процесіне тартуда өзіндік жаңашыл идеясы бар шығармашылықпен жұмыс істейтін сынып жетекшілерді анықтау және қолдау көрсету мақсатында ұйымдастырылды.

Байқаудың бірінші кезеңінде қатысушылар сынып жетекшісінің жетістіктерін айқындайтын портфолио мен тәрбие жұмысын жетілдіруге арналған авторлық бағдарлама немесе жоба ұсынды. Сынып жетекшісінің бір күніне арналған бейне визитка көрсетті. Байқаудың екінші кезеңінде білім алушылардың бойында жалпы адамзаттық және ұлттық құндылықтарды қалыптастыруға бағытталған сынып сағаттарын өткізіп, “Сыныптан тыс уақытта…” атты Ted форматында қатысушы өз тәжірибесімен бөлісті.

Байқаудың қорытындысы бойынша қазылар алқасының шешіміне сәйкес жеңімпаздар анықталды. Бірінші орынды- Панфилов ауданы, екінші орынды — Ақсу ауданы, үшінші орынды — Кербұлақ ауданы иеленді. Женімпаздарға сертификат табысталып, қатысушыларға алғыс хаттар берілді.