Жетісу облыстық білім басқармасы 2023 жылдың 28 қыркүйегінде облыс Әкімінің қолдауымен «Жетісу ұстазы» байқауының облыстық кезеңін  өткізді.

Шығармашылықпен жұмыс істейтін, талантты, ой өрісі биік, парасатты өзіндік авторлық жаңашыл идеясы бар, әдістемелік шеберлігі зор, педагогикалық мәдениеті жоғары, жан-жақты дамыған мұғалім мәртебесін арттыратын ерекше тұлғаны анықтау мақсатында ұйымдастырылды.

Байқаудың бірінші кезеңі Талдықорған қаласы, №14 орта мектеп-гимназиясы базасында өтіп, қатысушылар күнтізбелік-тақырыптық жоспарға сәйкес сабақ өткізді.

Байқаудың келесі кезеңдері Қ.Қасымов атындағы №28 IT мектеп-лицейі базасында өтіп, «Білім берудегі жаңа трендтер» атты 2 турында ТЕD форматта  өз тәжірибесіндегі  жаңаша трендтерді демонстрациялап, «Ұстаз – ұлы есім» фотоэссе турында мұғалім өзінің педагогикалық қызметіндегі ерекше сәттерінен 5 фото серия  көрсетті.

Байқаудың қорытындысы бойынша қазылар алқасының шешіміне сәйкес жеңімпаздар анықталды.

І орын  — Рахманова Іңкәр Рахманқызы, Сарқан ауданы №1 мектеп гимназиясының биология пәнінің мұғалімі;
ІІ орын — Тоганбаев Кайнар Саркытович, Алакөл ауданы Теректі ОМ-нің математика пәнінің мұғалімі;
ІІІ орын — Талдаубек Нұрдыбек,  Көксу ауданы М.Құрманов атындағы №2 орта мектептің математика пәнінің мұғалімі;

«Үздік сабақ» номинациясы – Михов Кирилл, Ескелді ауданы Қаратал орта мектебінің информатика пәнінің мұғалімі;
«Үздік фотоэссе» номинациясы – Айдабаева Динара Аюхановна, Талдықорған қаласы Құлжабай Қасымов атындағы №28 IT мектеп- лицейінің биология пәнінің мұғалімі;
«Шығармашыл педагог» номинациясы — Бердігулова Маржан,  Панфилов ауданы Б.Момышұлы ат. ОМГ-ның қазақ тілі мен әдебиеті пәні мұғалімі.