Жетісу облысы Білім басқармасының 2023 жылғы жұмыс жоспарына сәйкес техникалық және кәсіптік білімінің орнықты дамуы үшін сапалы білімінің қолжетімділігін қамтамасыз ете білетін үздік колледжді анықтау, қолдау және мадақтау  мақсатында  2023 жылдың  26 қыркүйегінде техникалық және кәсіптік білім беру ұйымдарының арасында «Ең үздік кәсіптік білім беру ұйымы — 2023» атты  облыстық байқау Талдықорған индустриялық колледжінің базасында  ұйымдастырылып өткізілді.

Байқаудың басты мақсаты техникалық және кәсіптік білім беру мекемелерінің орнықты дамуы үшін сапалы білімнің қолжетімділігін қамтамасыз ете білетін үздік  колледжді  анықтау,  қолдау  және  мадақтау.

Байқауға 12 оқу орны қатысты. Бірінші кезеңде колледждер техникалық және кәсіптік білім беру мекемесінің кәсіби қызмет жетістіктерін айқындайтын портфолиосын ұсынды. Қазылар алқасы  портфолионы белгіленгенкритерийлер бойынша бағалады.

Екінші кезеңде оқу орындары«Табысты білім беру ұйымының заманауи моделін» қорғады.

Байқау ережесіне сәйкес, Жетісу облысының білім саласында сапаны қамтамасыз ету департаментінің білім сапасын сырттай бағалау бөлімі, Жетісу облыстық білім және ғылым қызметкерлерінің кәсіподақ ұйымының өкілдері қазылар алқасыныңқұрамына енгізілді. Байқаудың қазылар алқасы әр білім беру ұйымының  екі кезең бойынша ұсынған жұмыстарының мазмұны мен сапасын бағалап,нәтижесінде І орынТалдықорған жоғары политехникалық колледжі, ІІ орын Талдықорған жоғары медициналық колледжі, ІІІ орын Сарқан көпсалалы колледжі иеленді. Сарқан политехникалық колледжі «Инновация шеберханасы»,Талдықорған индустриялық колледжі «Жетістік жолында», Жаркент жоғары педагогикалық колледжі«Жаңашыл колледж»номинацияларын иеленді.