2022 жылдың 31 қаңтарында «Назарбаев Зияткерлік мектептері» ДББҰ Педагогикалық шеберлік орталығының Алматы қаласындағы филиалымен бірлескен «Құндылықтар: Сабақ, тәрбие сағаты және сыныптан тыс тәрбие жобаларын» іске асыру мақсатында «Тәрбие жобалары: жоспарлау және бағамдау» тақырыбында вебинар өтті. Аталған шарада оқу-әдістемелік орталығы директорының орынбасары Э.Досаева құндылықтар жобасының маңыздылығын атап өтсе, ал «НЗМ» ДББҰ ПШО Алматы қаласындағы филиалының аға менеджері Ғ.Толықбаева жобалау әдісінің ерекшелігіне тоқталды. Тәрбие жобаларын қалай жоспарлауда жұмыс кезеңдерін түсіндірді. Вебинарға Шығыс Қазақстан облысы мен Алматы облысының шағын жинақты мектеп басшылары қатысып, жоба аясындағы келесі қадамдарды талқылады.
