Облыстық білім беруді дамыту оқу-әдістемелік орталығы Еңбекшіқазақ ауданы «Келешек» балабақшасы базасында тәрбие мен оқыту үдерісін жүзеге асыруда балабақша меңгерушілеріне әдістемелік көмек беру мақсатында «Жаңартылған білім беру мазмұны аясында балабақша жұмысының сапасын арттыру» тақырыбында оқыту семинарын өткізді. Орталық әдіскері Р.Тумаева «Білім беру ұйымдарын бағалау өлшемшарттарын бекіту туралы» Қазақстан Республикасының Білім және ғылым министрінің 2016 жылғы 2 ақпандағы № 124 бұйрығындағы өзгерістер туралы түсіндірме жұмыстарын жүргізіп, ұйымдастырылған оқу қызметіне тиімді кері байланыс беру бойынша шебер-класс өткізді. Сонымен қатар жұмыс барысында Еңбекшіқазақ ауданы «Айгөлек» балабақшасының меңгерушісі Ж.Дарқанбаева білім беру мекемелерін мемлекеттік аттестаудан өткізу Ережесімен таныстырды.
