Бастауыш сыныпта оқыту үрдісінде кездескен кедергілерді шешу жолдарын қарастыру және әдістемелік қолдау көрсету мақсатында облыстық білім беруді дамыту оқу-әдістемелік орталығы ағымдағы жылдың 12 қарашасында Көксу ауданы М.Құрманов атындағы ОМ базасында «Білім алушылардың білімдегі олқылықтарының орнын толықтыру» тақырыбында әдістемелік күн өткізді. Аталған шарада бастауыш сынып әдістемелік бірлестік жетекшілері бейнесабақтарды талдап, сабақтың ұтымды және проблемалық тұстарын бөліп көрсетті. Ұйғыр ауданы Абай ОМ бастауыш сынып мұғалімі В.Илипбаева, Талдықорған қаласы №21 ОМ бастауыш сынып мұғалімі Ж.Қанағатова ZOOM платформасы арқылы бастауыш сынып пәндерінің оқу бағдарламасы бойынша білім алушылардың білімдеріндегі олқылықтардың орнын толықтыруда ұқсас оқу мақсаттарымен тиімді жұмыстың алгоритмдерін ұсынды. Ал, Көксу ауданы М.Құрманов атындағы орта мектептің бастауыш сынып мұғалімі Г.Атыманова шебер-класс өткізіп, мұғалімдермен бірлескен жұмыс жүргізді.
