Техникалық және кәсіптік білім беру бөлімі 2021 жылдың 4-5 қарашасында А.Сейдімбектің әдеби мұрасын зерделеу, насихаттау және тәжірибе алмасу мақсатында «Ақселеу Сейдімбектің көркем шығармаларындағы өмір шындығы» тақырыбында облыстық вебинар өткізді. Вебинарда Есік гуманитарлық-экономикалық, Жаркент жоғары гуманитарлық-техникалық, І.Жансүгіров, Қаскелең гуманитарлық-техникалық, Бизнес, құқық және жаңа технологиялар, «Білім» гуманитарлық-техникалық колледждерінің қазақ тілі мен әдебиеті пәндері оқытушылары Қ.Құрманғалиева, М.Алдыбаева, А. Оразхан, А. Сулейменова, Г.Аяғанова, А.Кулубекова, М.Сейтханова автордың публицистикалық очеркін, ертегілерін, әңгімелерін, радиопьессасын, повесін әдебиет теориясы тұрғысынан салыстыра талдап, шығармадағы қанатты сөздер, мақал-мәтелдер бойынша өзара пікір алмасты. Тәжірибе таратушы педагогтер автор шығармаларын сабақта тиімді пайдалану жолдарын ұсынды. Іс-шараға 200 педагог қатысты.
