2021 жылы 21 қазанында көрнекті қоғам және мемлекет қайраткері, Алаш қозғалысының жетекшісі Әлихан Бөкейханның туғанына 155 жыл толуына орай «Әлихан Бөкейхан және Тәуелсіздік бейнесі» атты республикалық конференция өтті. Конференцияның пленарлық жұмысына Ш.Уәлиханов атындағы Тарих және этнология институтының т.ғ. докторы, профессор, бас ғылыми қызметкері О.Мухатова, Гумилев атындағы Еуразия Ұлттық университетінің PhD докторанты, ҚР МСМ «Қолжазбалар және сирек кітаптар ұлттық орталығы» РММ ғылыми қызметкері А.Имангалиев, І.Жансүгіров атындағы ЖУ әлеуметтік-гуманитарлық бағыт бойынша білім беру бағдарламаларының жетекшісі А.Абдилданова, «Өрлеу» БАҰО АҚ, филиалы Алматы қаласы бойынша ПҚБАИ, ЖжГПОӘ кафедрасының аға оқытушысы, гуманитарлық ғылымдар магистрі Г.Кеніштайқызы және ТжКББ оқытушылары мен жалпы орта білім беру ұйымдарының педагогтері қатысты. Конференция секциялық жұмыстарымен жалғасты. Секцияда тарихи тұлғалар контексіндегі Ә.Бөкейхановтың орны, Ә.Бөкейханов мұралары арқылы білім алушылардың рухани-адамгершілікке тәрбиелеу жолдары талқыланды.
