Алматы облыстық білім беруді дамыту оқу-әдістемелік орталығы ағымдағы жылдың 15 қазанында «Дарынды балаларға — талантты ұстаз» педагогикалық олимпиадасының облыстық кезеңін өткізді.Мақсаты: жас педагог қызметкерлердің шығармашылық әлеуетін арттыру, белсенді кәсіби көзқарасын қалыптастыру. Байқауға 24 жас маман қатысты. Олимпиада қатысушылары шығармашылық жұмыстарын TED форматта таныстырып, сабақ фрагментін презентациялады. Қазылар алқасының шешіміне сәйкес олимпиада жеңімпаздары анықталды: Бас жүлде — А.Ераділова, Талдықорған қаласы №28 IT мектеп-лицей мұғалімі; I орын – Бақытәлі Даулешяр, Жамбыл ауданы Ә.Бейсеуов атындағы ОМ мұғалімі; II орын — О.Зейнегабдылов, Алакөл ауданы Көктұма ОМ мұғалімі мен Л. Байбол — Ю.Гагарин атындағы балаларға арналған үш тілде оқытатын №8 арнаулы гимназиясы мұғалімі; III орын — А.Жұмағұлов, Панфилов ауданы №6 мектеп-интернатының мұғалімі, Г.Турдахунова — Ұйғыр ауданы №1 Шонжы ОМ мұғалімі; А.Сүлеймен — дарынды балаларға арналған үш тілде оқытатын Қарғалы №2 арнаулы гимназиясы мұғалімі; С.Майкен — дарынды балаларға арналған үш тілде оқытатын М.Арын атындағы №24 «Экономика және бизнес» арнаулы лицейінің мұғалімі. Сонымен қатар, «Шығармашыл педагог»- А.Байгалиев, Ескелді ауданы Мелькомбинат ОМ мұғалімі, «Ізденімпаз педагог» — А.Ходжамуратова, Қарасай ауданы А.Байтұрсынұлы ат. ОМ мұғалімі, «Креативті педагог» — Д.Өмірханова, Ш.Смағұлов атындағы Алматы облыстық мамандандырылған дарынды балаларға арналған физика-математика мектеп-интернатының мұғалімі номинациялар бойынша марапатталды. Облыстық педагогикалық олимпиада жеңімпаздары Қазақстан Республикасының білім және ғылым министрлігінің «Дарын» республикалық ғылыми-практикалық орталығы 2-4 қараша күндері Шығыс-Қазақстан облысы, Өскемен қаласында өтетін республикалық олимпиадасына жолдама алды.
